info@oil-refining.kz +7 (7292) 43-25-04

Даму

Өз қызметін бастағалы «Mangystau Oil Refining» ЖШС-і облыстағы ең қарқынды дамып келе жатқан компаниялардың бірі болып табылады.

Қазіргі таңда жылына 830 мың тоннаға дейін шикізатты қайта өңдейтін «Көмірсутекті шикізатты қайта өңдеу кешенін жаңарту» жобасын іске асыру Компанияның басты мақсаты болып табылады. Қазір рұқсат беру құжаттарын қамтитын жобалық құжаттама әзірленуде, жобаның іске қосылуы 2023 жылдың екінші жартыжылдығында жоспарланады. Сондай-ақ бұл жоба бойынша мұнайды қайта өңдеу, сақтау және өнімін жөнелту үшін жабдықты таңдау бойынша жұмыстар жүргізілуде.

Модульдік кешеннің жоғарыда айтылған процестеріне сәйкес Компания мұнай өнімдерінің мынадай түрлерін өндіреді:
✔ нафта
✔ мазут
✔ дизель отыны
✔ пеш отыны

Жоба мынадай кезеңдермен іске асырылатын болады:
1. Жобалық-сметалық құжаттаманы әзірлеу – 4 ай;
2. Жобаның мемлекеттік сараптамадан өтуі – 2 ай;
3. Құрылыс-монтаждау жұмыстарын орындау – 12 ай;
4. Пайдалануға беру және жобалық қуатқа шығу – 6 ай.

«Көмірсутек шикізатын қайта өңдеу кешені» жобасының және «Көмірсутек шикізатын қайта өңдеу кешенін жаңғырту» объектісінің құрылысының 2-ші және 3-ші кезектері пайдалануға берілгеннен кейін қызметкерлер саны жергілікті тұрғындар қатарынан, оның ішінде Жаңаөзен қаласынан кадрларды тарта отырып, 173-тен 500 жұмыс орнына дейін өседі. Компания ішінде кадрларды даярлау және қайта даярлау бағдарламасы іске қосылды. Барлық деңгейлерде кадрлардың біліктілігін арттыру бойынша жұмыс жүргізілуде. Ірі компаниялармен тәжірибе алмасу бойынша келіссөздер жүргізілуде. Осы мақсаттарға компания жыл сайын қаражат бөлуді жоспарлап отыр.

Жобаны іске асыруда компанияның дамуы тоқтамайды, осылайша 2019 жылдың мамыр айында Маңғыстау облысының әкімдігі мен компания арасында өзара ынтымақтастық туралы Меморандумға қол қойылды, оның аясында жобаларды іске асыруда мемлекет тарапынан көмек көрсету жоспарлануда, атап айтқанда:
1. Зауытты шикізатпен қамтамасыз етуде мемлекеттің көмегі мен қолдауы;
2. Жоғары сапалы ашық түсті мұнай өнімдерін, яғни АИ-92, АИ-95 маркалы бензин мен EURO5 дизель отынын алу мақсатында «Дизельдік фракцияны гидротазарту және гидродепарафинизациялау және каталитикалық риформинг жөніндегі технологиялық кешенді салу және пайдалану» үшін қосымша 7 Га жер бөлу.

Біз әрқашан ашықпыз

Салауатты жұмыс ортасы жан-жақты қамтитын және қолдау көрсететін орта болғандықтан, оны сақтау үшін компания күн сайын жұмыс істейді. Басшылық қызметкерлермен ашық есік саясатын қолдайды және есігі қызметкерлерге кез-келген уақытта ашық .

Ақтау қаласындағы әлеуметтік жобалар мен қайырымдылық акцияларға қатысу

Жыл сайын «Mangystau Oil Refining» ЖШС Ақтау қаласының әлеуметтік маңызды жобаларына қатысады. Компания құрылғаннан бері мұқтаж адамдарға материалдық және қаржылық көмек көрсетіп келеді. Біздің еріктілер басқа адамдарға көмектесу және жақсылық жасау арқылы өмірлерін жақсарту үшін уақытты, ақшаны және ресурстарды беру арқылы көмек қолын созуға дайын.

2021 жылы компанияның демеушілігімен, ел Тәуелсіздігінің 30 жылдығын мерекелеу аясында Ақтауда тұрғын үйлерге жарық түсіретін нөмірлік белгілерді орнату жұмыстары басталды. Алғашқы жарықтандыру 30-шы шағын ауданда 30-шы үйде сәтті жүзеге асырылды. Сондай-ақ, орындалған жұмыстарды теңіз жағасында орналасқан 15 шағын аудандағы 37 үйден 4 шағын ауданға дейінгі тұрғын үйлерден көруге болады.

Қазіргі уақытта компания Ақтау қаласының шағын аудандарын абаттандыру жобасымен, атап айтқанда балалар алаңдары мен воркаут алаңдарын салу жұмыстарымен айналысуда. Біз Ресейден, Ростов облысынан сапалы жабдыққа тапсырыс бердік. Алаң жеткізушілері 2006 жылы құрылған «РостМеталл» компаниясы болып табылады. Компанияның мынадай рұқсат беру құжаттамасы бар: ЕАЭО сәйкестік сертификаттары, МЕМСТ Р жүйесі бойынша сертификаттау, сондай-ақ ИСО 9001 (ISO) сертификаттау.

2020 жылдың басында біздің Компания «Церковь Благовещения Пресвятой Богородицы» шіркеуін қолдауға, атап айтқанда негізгі Храм мен алтарьді қайта құруға міндеттеме алды. Өз күшімізбен Храмның ішкі жайларын жөндеу және оны көркем сурет салуға дайындау бойынша жұмыстар кешенін жүргіздік. Нысанның әлеуметтік маңыздылығын ескере отырып, барлық нормалар мен талаптар ескеріліп, сақталды. Жұмыстар кешеніне ғимараттың тірек құрылмаларының сараптамалық қорытындысын алу кірді, осылайша біз еден жабынын бөлшектедік, оны жоғары сапалы керамограниттен жасалған бұйымдармен алмастырдық, қабырғаларды сылақтың ескі қабаттарынан тазарттық, Храмның жаңа электр желілерін толық монтаждадық, жаңа жылыту жүйесі мен жылы еден жүйесін орнаттық, климатты бақылау басқаруымен ауаны баптау және желдетудің заманауи кешенін орнаттық. Храм, сондай-ақ алтарьдің үй-жайында ауа сорғыш іске асырылды. Сыланған және сыбап тегістелген қабырғалар толығымен көркем сурет салуға дайын болды. Құрылыс барысында тек жоғары сапалы материалдар пайдаланылды. Сондай-ақ компанияның жоспарында тоқтамау және «Пресвятая Богородица» Храмының қасбетін әрлеу тұр.

«Mangystau Oil Refining» Компаниясы біздің қаламыздың православ Храмын жөндеу бойынша атқарылған жұмыс ғимаратқа жаңа келбет беріп, барлық православ қауымын қуантатынына сенімді.

Сондай-ақ, «Mangystau Oil Refining» ЖШС қолдауымен ағымдағы жылдың шілде айында Ақтау қаласында автожол бойында орналасқан жасыл желектерді тамшылатып суару үшін құбыр желісін төсеу жүзеге асырылды. Құбырдың ұзындығы 4 км. 400 метрді құрады, атап айтқанда, «Кездесу» автожанармай құю станциясынан 35 шағын ауданның қиылысына дейін. Жұмыстар 10 күн ішінде сәтті аяқталды. Осылайша, суару жүйесі дұрыс жұмыс істейді және жол бойындағы өсімдіктерді суару жүзеге асырылады.

2022 жылы Компания ауаны тазарту және қоршаған ортаның жасыл бейнесі үшін өнеркәсіптік аймақтың аумағын көгалдандыру туралы шешім қабылдады. Осылайша, ағымдағы жылдың сәуір айында біз биік айланттың 70 көшетін отырғызып, жуырда олардың санын 200-ге дейін көбейтуді жоспарлаймыз.

«Mangystau Oil Refining» компаниясының жоспарында тағы да көптеген әлеуметтік жобалар мен қайырымдылық акциялары бар екенін айта кету керек.

Өнім

Пресс-орталығы